Maxfiylik siyosati
Oxirgi yangilanish: 2026-yil 29-iyul
Instagram AI Agent (“Xizmat”) Instagram professional akkaunt egalariga DM va kommentlarga avtomatik javob berish hamda kontent rejalashtirishda yordam beradi. Ushbu siyosat qanday ma'lumot bilan ishlashimizni, nima uchun va uni qanday o'chirishingiz mumkinligini tushuntiradi.
Xizmatni Mirobid Usmonov boshqaradi. Aloqa: usmonovm007@gmail.com.
1. Ma'lumot kimga tegishli
Xizmatda ikki guruh odam bor:
- Mijozlar— bizda hisob yaratib, o'z Instagram professional akkauntini ulaganlar.
- Oxirgi foydalanuvchilar— mijozlarimizning Instagram akkauntlariga yozadigan yoki komment qoldiradigan odamlar. Ularning ma'lumotini mijoz nomidan qayta ishlaymiz; o'sha suhbat ustidan nazorat mijozda qoladi.
2. Nima yig'amiz
| Ma'lumot | Manbasi | Nima uchun |
|---|---|---|
| Email, ism, parol hash'i | Siz, ro'yxatdan o'tishda | Hisobingizni yaratish va himoyalash |
| Instagram profili: username, akkaunt turi, obunachi va post soni, profil rasmi | Instagram API, siz ruxsat berganingizdan keyin | Qaysi akkaunt ulanganini va holatini ko'rsatish |
| Instagram access token | Instagram, siz ruxsat berganingizdan keyin | Sizning nomingizdan ish yuritish. AES-256-GCM bilan shifrlangan holda saqlanadi, interfeys va loglarda hech qachon ko'rsatilmaydi |
| DM xabarlar: yuboruvchi ID, username, xabar matni, vaqt | Instagram webhook va API | Odam nima so'raganini aniqlash va siz sozlagan javobni yuborish |
| Kommentlar: muallif, matn, media ID, vaqt | Instagram webhook va API | Komment qoidalaringizni qo'llash (javob, yashirish, private reply) |
| Rejalashtirgan kontentingiz: matn, media manzillari, chiqish vaqti | Siz | Postni siz tanlagan vaqtda joylash |
| Texnik loglar: so'rov natijasi, xato kodi, vaqt | Avtomatik | Nosozlikni aniqlash va limitlarni nazorat qilish. Token va xabar matni loglarga tushmaydi |
Biz to'lov karta ma'lumotlarini, pasport/JSHSHIR kabi davlat identifikatorlarini, joylashuv ma'lumotini yoki kontaktlar ro'yxatini yig'maymiz. Uchinchi tomondan ma'lumot sotib olmaymiz va reklama profillari qurmaymiz.
3. Nima qilmaymiz
- Ma'lumotlaringizni hech kimga sotmaymiz va ijaraga bermaymiz.
- Xabar va kommentlaringizni sun'iy intellekt modellarini o'qitish uchun ishlatmaymiz.
- Siz ulamagan akkauntlarga kirmaymiz va Instagram bizga ochmagan suhbatlarni o'qiy olmaymiz.
- So'ralmagan xabar yubormaymiz. Instagram javob berishga faqat odam sizga birinchi yozganidan keyin 24 soat ichida ruxsat beradi va Xizmat buni kod darajasida nazorat qiladi.
4. Avtomatik javoblar
Avtomatik javob yoqilganda, suhbatdagi birinchi xabar javob avtomatik ekanini bildiradi va jonli operatorga o'tish yo'lini ko'rsatadi. Bu Meta talabi va ba'zi mamlakatlarda qonun talabi.
Agar ixtiyoriy AI rejimini yoqsangiz, kelgan xabar matni va siz yozgan ko'rsatmalar javob generatsiya qilish uchun uchinchi tomon model provayderiga (OpenRouter) yuboriladi. AI rejimi o'chiq bo'lsa — bu standart holat — hech qanday xabar mazmuni serverimizdan chiqmaydi.
5. Yana kim qayta ishlaydi
| Kim | Maqsad | Nima oladi |
|---|---|---|
| Meta Platforms | Instagram API'ning o'zi | Sizning nomingizdan yuboradigan so'rovlarimiz |
| Hosting provayderimiz | Server va bazani ishlatish | Ularning infratuzilmasida saqlanadigan ma'lumot |
| OpenRouter | AI javob generatsiyasi — faqat siz yoqsangiz | Xabar matni va ko'rsatmalaringiz |
6. Qancha saqlaymiz
- Hisob ma'lumotlari— hisobingizni o'chirguningizgacha.
- Xabarlar va kommentlar— 12 oy, keyin avtomatik o'chadi. Sozlamalardan bu muddatni qisqartirishingiz mumkin.
- Access token— Instagram akkauntini uzganingizda yoki ilovani Instagram'dan o'chirganingizda darhol o'chadi.
- Texnik loglar — 30 kun.
7. Xavfsizlik
- Instagram tokenlari bazada shifrlangan (AES-256-GCM).
- Parollar bcrypt bilan hash qilinadi; ochiq matnda hech qachon saqlanmaydi.
- Sessiyalarda opaque token ishlatiladi; bazada faqat SHA-256 hash turadi, shuning uchun baza sizib chiqsa ham u bilan kirib bo'lmaydi.
- Kelayotgan webhook'lar qayta ishlanishdan oldin Meta'ning
X-Hub-Signature-256imzosi bo'yicha tekshiriladi. - Ma'lumot faqat HTTPS orqali uzatiladi.
Hech bir tizim mutlaq xavfsiz emas. Ma'lumotingizga ta'sir qiladigan buzilish aniqlansa, sizga kechiktirmasdan xabar beramiz.
8. Huquqlaringiz
Istalgan vaqtda:
- Siz haqingizda saqlanayotgan ma'lumotni dashboard'dan ko'rish.
- Uni to'g'rilash yoki eksport qilish.
- O'chirish — Ma'lumotlarni o'chirish sahifasiga qarang.
- Instagram ruxsatini qaytarib olish — bizning dashboard'dan yoki Instagram'da Settings → Apps and websites orqali. U yerda o'chirilsa, bizga ham tokenni yo'q qilish haqida signal keladi.
Shulardan birini amalga oshirish yoki shikoyat qilish uchun usmonovm007@gmail.com ga yozing. 7 kun ichida javob berishga harakat qilamiz.
9. Bolalar
Xizmat biznes va kreatorlar uchun mo'ljallangan, 18 yoshgacha bo'lganlarga qaratilmagan. Ularning ma'lumotini bila turib yig'maymiz.
10. O'zgarishlar
Ushbu siyosatni sizga jiddiy ta'sir qiladigan tarzda o'zgartirsak, kuchga kirishidan oldin email orqali xabar beramiz. Yuqoridagi sana har doim joriy versiyani bildiradi.